ཆགས་སེམས་ སེམས་ཀྱི་ནད་གཞི།

དགུང་སར་ཁྲི་གདུགས་ཤརཝ་ད།། མེ་ཏོག་པད་མ་རྒྱས་མས།། གནམ་ཁར་འབྲུག་འདི་ལྡིརཝ་ད།། རྨ་བྱ་དགའ་འདི་གར་ཁྲབ།། སོ་ཁ་དུས་ལུ་འབབ་ད།། ཁུ་བྱུག་ལས་ཀྱིས་གླུ་ལེན།། ཁྲོམ་ཆེན་ཐིམ་ཕུ་ལུང་པ།། དུས་བསྟུན་སྨད་ཆུང་མཐོངམ་ད།། སྟག་ཤར་གནས་སར་མ་ཆགས།། མ་དག་འཁོར་བ་འདི་ནང་།། ལས་ངན་དབང་གིས་རང་འདི།། བད་ཀན་ནད་ཀྱིས་འཛིན་ཏེ།། གཙོ་བསྟེན་སྨན་ཁང་ནང་ལུ།། སྨོན་བཅོས་འབད་བར་སོང་ཡི།། སྨང་ཁང་འདི་ནང་ལྷོདཔ་ད།། སྨན་ལྷ་དྲུང་མཚོ་མཆོག་གིས།། ནད་གཞི་བརྟག་དཔྱད་དོན་ལུ།། གློག་པར་བཏབ་སར་གཏང་ཡི།། བུ་ང་དེ་ནང་ལྷོདཔ་ཅིན།། ཨ་རྟག་མིག་གིས་རྒྱང་རིང་།། བལྟ་ནི་དཀའ་ངལ་ཡོད་རུང་།། དེ་ཚེ་མངོན་པར་མཐོང་ཡི།། དེ་ཡང་འབྲེལ་སྟེགས་ནང་ན།། མཚོན་མོ་གནམ་ཁའི་སྦུག་ལུ།། སེར་ཁའི་དཀར་གསལ་བཟུམ་འབད།། གསལ་བ་དྲི་མ་མེད་པའི།། སྨན་གཡོགམོ་ཤེས་ལྕམ་སྒྲོལ་མ།། རས་དཀར་གདོང་དཀར་ཨོམ་བཟུམ།། སྟག་ཤར་ང་གིས་མཐོང་ཅི།། ལེན་ཅིག་ངེས་ཀྱི་སེམས་ཁར།། བུ་ང་ཚེ་རིང་ཕུན་ཚོགས།། མོ་འདི་རྟ་མགྲིན་བུ་དར།། སྤང་གཤོང་བདེ་མི་ནང་ལུ།། ངེའི་ལགཔ་མོ་གི་སྐེད་པ།། མོའི་ལགཔ་ངེས་ཀྱི་དཔུངམ་ན། མགུ་གཉིས་གཅིག་ཁར་མཐུད་དེ།། ངེའི་སྐད་ཨྱོན་པན་དྲེ།། མོའི་སྐད་པད་མ་བདེ་སྐྱིད།། རྟ་མགྲིན་བཟོ་བའི་སྙན་ཆ།། གུ་ལུ་བརྩེ་བའི་ཞབས་ཁྲ།། མཐོན་འདི་སྡོད་པའི་སྣང་བ།། སེམས་ཁར་ཧང་ཧང་ཤར་ཡི།། ཨིན་རུང་སེམས་ཀྱི་དྲན་ཤེས།། བསིལ་བའི་ཆུ་གིས་བཀུག་སྟེ།། རང་འདི་སྨན་ཁང་ནང་ལུ།། སྨོན་བཅོས་དོན་ལུ་འོངམ་ཨིནམ།། མནོ་ཏེ་བུམོ་འདི་མཐོངམ་ད།། མི་གཙང་སེམས་ཁར་བསྒོམ་འདི།། ཆགས་སེམས་ལེན་ཅིག་སྤང་ཡི།།  རྫོགས་སོ།།